കോമഡി ഷോകളിലൂടെ പ്രേക്ഷകരുടെ മനസിലേക്ക് ചേക്കേറിയ താരമാണ് ഉല്ലാസ് പന്തളം. മിനി സ്ക്രീനിൽ പ്രേക്ഷകരെ കുടുകുടാ ചിരിപ്പിച്ച ഉല്ലാസ് സിനിമകളിലും സജീവമായിരുന്നു. താരത്തിന്‍റെ രോഗ വിവരം അടുത്തിടെയാണ് സോഷ്യൽ മീഡിയയിലൂടെ പുറംലോകമറിയുന്നത്. ഇപ്പോഴിതാ തന്റെ രോഗവിവരം രഹസ്യമാക്കി വെച്ചതെന്ന് തുറന്നുപറഞ്ഞിരിക്കുകയാണ് ഉല്ലാസ്.
ഇക്കഴിഞ്ഞ ഏപ്രില്‍ 20ന് ഈസ്റ്ററിന്‍റെ അന്ന് വൈകുന്നേരം എനിക്ക് സ്ട്രോക്ക് ഉണ്ടായി. ഇടത്ത കാലിനും ഇടത്തേ കൈയ്ക്കും ഇത്തിരി സ്വാധീനക്കുറവുണ്ട്, അതുകൊണ്ടാണ് ചാനലിലെ പരിപാടികളില്‍ കാണാത്തത്. സോഷ്യല്‍ മീഡിയയിലൂടെയാണ് ഇത് പുറത്തറിഞ്ഞത്.
സോഷ്യല്‍ മീഡിയയില്‍ അനാവശ്യ കമന്‍റുകള്‍ വരുമെന്നതിനാലാണ് ഞാനിത് രഹസ്യമാക്കിവച്ചത്. പിന്നെ ആലോചിച്ചപ്പോള്‍ അതെന്തിനാണെന്നു തോന്നിയിരുന്നു, ലക്ഷ്മി നക്ഷത്ര ഒരു ഷോപ്പിന്‍റെ ഉദ്ഘാടനത്തിന് എന്നെ ക്ഷണിച്ചു.
ഉല്ലാസിനെക്കൊണ്ട് ഒരു ഷോപ്പ് ഉദ്ഘാടനം ചെയ്യിക്കാമെന്ന് ജ്വല്ലറി ഉടമയും പറഞ്ഞു. എനിക്കത് സന്തോഷം നല്‍കി. അങ്ങനെയാണ് വന്നത്. അതോടെയാണ് സോഷ്യല്‍ മീഡിയയിലൂടെ എന്‍റെ രോഗാവസ്ഥയെക്കുറിച്ച് അറിയുന്നത്.
അന്നു മുതല്‍ പലരും വിളിച്ച് എന്‍റെ അവസ്ഥ തിരക്കുന്നുണ്ട്. എല്ലാവരുടടെയും നല്ല പിന്തുണയുമുണ്ട്. പക്ഷേ, ചില നെഗറ്റീവ് കമന്‍റുകളും വരുന്നുണ്ട്. അതൊന്നും നോക്കുന്നില്ല. എങ്കിലും ഇതുവരെ എനിക്കുതന്ന പിന്തുണയ്ക്കു നന്ദി.
എന്‍റെ രോഗാവസ്ഥയിലും വിളിച്ച് ആശ്വസിപ്പിച്ച എല്ലാവര്‍ക്കും ഹൃദയം നിറഞ്ഞ നന്ദി അറിയിക്കുന്നു. പൂര്‍വാധികം ശക്തിയോടെ തിരികെവരും. അതിനായുള്ള ചികിത്സയിലും പരിശീലനത്തിലുമാണ്. കൂടുതല്‍ ആരോഗ്യത്തോടെ തിരികെ വരാന്‍ നിങ്ങളുടെ പ്രാര്‍ഥനയുണ്ടാകണം എന്ന് ഉല്ലാസ് പന്തളം പറഞ്ഞു.
